旅行

剛返香港，散晒，仲未收拾心情返工。

Backward Masks

by Summer Hymns

Snow melt

Snow melt

This is truly a perfect B&W conversion.

Walcott

作客車仔，Walcott大演帽子戲法，連中三元，亦係我玩winning 10以來，Henry之外第一個拿9分的球員。

Coldcut

睇左Coldcut新出的一隻DVD，入面仲有一隻REMIX CD，叫Sound Mirrors。我完全唔識Coldcut，但隻DVD裡面有幾首音樂幾好聽，Video好有趣，其中印象最深的是This Island Earth及 The State We're In.


This Island Earth, directed by Joel Trussell


The State We're In, directed by Ne-O

大樂

剛剛作客車路士，半場數佢5比1，全場贏7比2。大快人心。


但7比2唔係我的最高比數，差不多一個月前，作客曼城，全場比數7比4，兩回合(聯賽盃)計贏8比6。原來半場入5球都唔係我最好紀錄，試過對AZ Alkmaar入6球，但對住一線球會半場入5球真係未試過。

快碼 OS X

最近有朋友轉用Mac機，但發現無得用快碼，而佢又唔想重新學倉頡，苦惱左一段時間。諗過幾個方案，一、手寫輸入，可惜蒙恬唔再出Mac OS X 用的手寫板，雖然可以買塊Wacom板再配蒙恬 for Mac 5.5 黎用，但只支援Power PC，新的Intel Mac 用唔到，況且要搵番套蒙恬for Mac 5.5一D都唔易。二、語音輸入，好多年前Apple 新加坡分公司開發左一套叫「神筆天韻」的中文語音暨筆式輸入軟件，但只可以在OS 9上用，在OS X就要開Classic先用到，而且呢套軟件又係絕版多年，想搵都無，即使畀你搵到，有時為左打幾隻字而要開Classic，始終唔方便。我地亦有諗過用住廣東話(粵音)輸入法先，但最終無用到。順帶一提，有一個叫chinese mac的網頁，詳細介紹好多mac 機上的中文輸入法，值得一睇。

開發快碼的公司已經表明唔會為OS X開發快碼輸入，而Windows XP版的第七代快碼之後亦再無更新。但隨著OpenVanilla 同歪林 呢類外掛輸入法的出現，開始有人自製快碼字碼表，並成功造左一個畀歪林用的Unicode字碼表 (link)。可惜歪林只有XP及Linux版，OS X不能用，OS X一定要用OpenVanilla，但看過OpenVanilla的字碼表格式後，我發現可以將歪林那個快碼字碼表改動一下搬到OpenVanilla用。

我開頭以為好易，就番Ｄ格式，點知一開始連一個字都打唔到、連字根都顯示唔到，後來多番嘗試，將個字碼表減到得2個字，又將原本倉頡(cj.cin)的字根搬來試，仲寫埋個Script方便我在Terminal抄個file 去 /Library/OpenVanilla/0.7.2/Modules/OVIMGeneric/，Logout - Login了不下十次後發現左一個奇怪的小問題，或者應該咁講，係我無意中解決左呢個問題之後先發現到問題所在。

在字根欄內，我用TextEdit，將Cursor放在一行的最前，然後按delete，將整行縮去上一行，然後按Return開新行，即係原本個字根表係分二行：

a 人
b 耳
c 成

（圖一）

我就在"b 耳"前面按delete，變成：

a 人b 耳
c 成

（圖二）

之後再按Return(Enter)，變成：

a 人
b 耳
c 成

（圖三）

就咁睇似乎我完全無做過任何野，圖一同圖三完全一樣，原地踏步，但事實上當我將所有字根以及兩個實驗用的字碼都照版煮碗做一次之後，真係可以用到，打到字，我當時都唔知點解，而家個問題係，一個完整的字碼表保守估計都有成3000字，就算每日機械咁改300行，都要用10日先完成。不過，最起碼我呢刻知道實際上可以做到一個OpenVanilla的快碼，只係需要時間同工夫去完成。我第二日就一邊睇電視，一邊好機械咁改左差不多四分一(用左最少兩個鐘)。其實當時所有未做"Delete-Return"改動的字碼都可以打到出黎，但出黎之後會自動跳行/換行，極唔方便。

我有試過用Office for Mac的Word開，睇唔出我呢個"Delete-Return"的改動前後有乜分別，之後我用Windows 的Word 2003開，都睇唔到分別，但Save 的時候佢彈個對話盒出來：



見到「行尾字元：CR/LF」就隱約覺得有轉機，我選左LF ONLY，之後拿去試，Bingo! 所有字碼都正常，唔會有跳行。原來問題的癥結就係呢個LF/CR的分別。由於歷史的原因，電腦有多過一種"符號"去指示開新行(newline)，詳情可以睇Wikipedia中Newline一項。歸納以上的種種現象，似乎OpenVanilla會認CR做開新一行，而歪林的快碼表入邊分隔字碼的是CR，所以有跳行的情況，OpenVanilla字碼表中字碼分隔因而不可用CR，只可用LF。另一方面，TextEdit係不論CR或LF都會顯示為開新行，而在TextEdit入邊按Return只係出LF，所以我上面所講的"Delete-Return"程序其實就係將每一行的CR改成LF。

廢話講完，下邊有條link畀大家下載個cin檔，如果大家發現有乜問題，請告知。Oh, 差D唔記得講，由於快碼字根包括1234567890，所以選字鍵我改為!@#$%^&*()，即係Shift + 1234567890。大家的鍵盤配置可能唔同，download 後或者要改改%selkey一欄，有關更改字碼表(輸入法表格)的方法可參考OpenVanilla.org入邊的「如何自訂輸入法，以及，如何修改現有的輸入法表格」

下載Qcode.cin，由於我唔識將file upload上Blogger，而自己又無地方放，所以放住O係Sendspace，download係會麻煩少少，希望遲D有人可以將個file upload去一個固定的server。

P.S. (27mar2007) Sendspace 條link斷左，有位有心人放左上sharebigfile，http://www.sharebigfile.com/file/113376/qcode-cin.html

城門水塘

今日天色唔好，灰濛濛，影出黎無層次。

下邊呢張加左saturation。


最有趣係呢張相，我分別用3.1K, 5.2K 同9K 的白平衡

Quotes from House M.D. (Season 2) - "Need to Know"

Picture from http://www.fox.com/house/

#1
House to Stacy:
How do you think this is gonna end? We'll be happy for what? A few weeks, few months. And then I'll say something insensitive, or I'll start ignoring you. And at first it'll be okay. It's just House being House. And then at some point, you will need something more. You'll need someone who can give you something I can't. You know I"m right. I've been there before.

Stacy:
Oh. Oh. It doesn't have to be.

House:
It does. It does. I don't want to go there again. I'm sorry, Stacy.

#2
House:
I told her she is better off without me.

Wilson:
ha! That's probably true.
(a long pause)
You're an idiot. You don't think she'd be better off without you.

House:
Right. I sent her off on a whim.

Wilson:
You have no idea why you sent her off!

House:
Don't do this.

Wilson:
This was no great sacrifice! You sent her away because you've got to be miserable!

House:
This kind of psycho-crap help get your patients through the long nights? Or is it just for you? Tough love make you feel good? Helping people feel their pain?

Wilson:
You don't like yourself. But you do admire yourself. It's all you've got, so you cling to it. You're so afraid if you change, you'll lose what makes you special. Being miserable doesn’t make you better than anyone else, House. It just makes you miserable.

Sapporo

惑

午睡後就一直有種奇怪感覺，無以名狀，一種抽離的不安，像是進入了別人的身驅，一方面感覺到身體的疲累，同時異常清醒，意識跟身軀未能同步。心緒不寧，但同時腦中一片空白，一無所想，連打機亦提不起心情，是剛才飯後那杯加了奶的咖啡嗎？或是昨夜的嘉士伯？

好風如水
受不了空調
跑到街上，人群中等待陣風
留戀風過後的餘韻，總像溫軟的手
幸福的感覺是帶笑沉睡

〈雜感．貳〉九月初開了頭，一直未能完成，我寫作太慢亦太懶。

終於

今日玩動物之森，一日之內捉晒之前捉唔到的三條魚：Blue Marlin, Dorado 同 Char。我發現同D 動物比賽捉罕有魚期間特別容易捉到罕有的魚，唔知捉蟲係咪一樣。最搞笑係save 完之後load 番出來就見到鎮長，佢竟然話...求婚... 仲要面紅...


繼得到金剷之後，我終於拿到金魚杆，下一個目標係金水壼。今日我個鎮都發生好多事，朝早見到Tom Nook 用131蚊買白蘿蔔，「生平」第一次，另外又見到貓女，以前都好似見過，但就無帶佢返屋企，今次就帶左佢走，收到份禮物Music box。
玩動物之森都幾困身，尤其是種左紅蘿蔔唔可以轉時間，之前一個星期，為左睇住Tom Nook收白蘿蔔個價，每日都帶住部NDS返工，食晏時睇一次，放工再睇一次(我個鎮比香港時間慢三個鐘，現實上好似係巴基斯坦Karachi巿(GMT+5)的時間)。整整一個星期都低過我收入價，結果爛晒都無賣，拿出門口引蟻。

もぎたてチンクルのばら色ルッピーランド（任天堂）link
另外我又玩緊呢隻遊戲，直譯係「新星誕生汀格爾的薔薇色盧比樂園」亦有人譯做「35歲獨男之大冒險」。成隻GAME一隻漢字都無，完全唔知佢講乜，只可以靠估，或問下日文高手。成隻GAME的目標係搵錢，之後將D錢投入個井度，「餵大」佢，個井愈大，你就可以去愈遠的地方。最特別的地方係主人翁無傳統的HP 值，亦無武器/防具，你可以請僱佣兵，但當然要用錢，而錢亦同時係主人翁的HP... 如果身上無錢就會GAME OVER，你打怪獸時，無可避免一定會扣錢，睇下扣多定扣少，除非你次次都叫個僱佣兵出手(僱佣兵有HP，打怪獸時又係會扣，而且好似無得回復)，但實際上好難「叫」個僱佣兵打，因為佢只會跟你尾，你唔可以直接叫佢去攻擊怪獸。
另外，你同D村民打交道又係要用錢，買情報又要錢，條橋搭路又要錢，乜都要錢，而且佢地唔會話你知要畀幾多錢，佢地心中有個價，你畀多就會蝕，畀少就仲賤，錢佢照袋，o野又唔做，你係要出到佢個心水價先做，好彩我搵到個日文攻略(link)，否則我連Level 2都過唔到。
。要搵錢就要打怪獸，拾起佢地跌出來的物品，之後可以直接賣畀村民，又或者用幾種村料煲湯之後再賣，可以賣得貴D。但又唔可以花太多時間「練功」儲錢，因為個井會催你畀錢，而且好似時間愈耐愈要畀多D錢個井先可以升Level。

P.S. 剛睇過「獨身男」的說明書，原來係可以指示個僱佣兵攻擊怪物，同埋可以畀o野佢飲回復體力。

雜感

意識、潛意識、無意識
經常在半夢半醒間彷彿想通難題，又或是想到一些精采的類比，我不知這是潛意識或無意識的作用。潛意識是理論上可以意識到，或所謂成為意識的「對象」；而無意識則是根本不能被意識。這種半夢半醒的狀態經常發生在車上，在車上打盹已成習慣，有時太累，自然想睡，但又警惕自己不要熟睡，而往往在不自願的情況下總會「恰」著，我會意識到思緒「流動」，「胡思亂想」，但當我想把這些思緒捉住，即令自己恢復意識、回復清醒時，總只剩下一麟半爪。

蘋果電腦
蘋果話要回收手提電腦電池，我榜上有名，但上imacguru，網友話香港的顧客要先交舊電，再等六至八星期先會有新電，仲要自己上去攞。真係＃Ｘ＄﹪！＃↑﹪。你叫人交左粒電，咪即係叫佢唔好出街用？咁咪即係廢左手提電腦的武功？美國同日本，由於唔係外判，只需要上網登記，會直接寄粒新電畀你，之後你再將粒舊電用附上的回郵信封寄回，一毫子都唔使。喺香港？車錢都蝕埋，仲要行兩轉，仲未試排隊的時間，我試過為左換個電塞，等左整整一個鐘。

阿嬌偷拍照
我今日先睇到《便利》的偷拍照，完全無料到，我以為影到D咩，要咁大件事。呢件事我覺得要各打五十大板。一．偷拍之風不可長，如果人地在隔離大廈影到你在屋企，而你又無拉窗簾換衫被人影到，雖然偷拍者不恥，但你只好怪自己大意，如果偷拍者公開相片，則是無賴。如今喺更夜室裝針孔攝影機，則是有預謀，而且當事人很難察覺亦難避免。二．做雜誌大都係求財，雜誌編輯決定登呢批相都係為左銷紙，因為明星偷拍有巿場，事實係咁，你而家想買本《便利》都難。影視處至今收到二千幾投訴，個個都話聲討《便利》，好似好正義，正所謂神又係你，鬼又係你。最雜誌最難就係點樣灑鹽花，滿足到大眾的脾胃之餘，又唔會刺激到佢地大腦的神經。三．受害人都有好多款，你睇下幾年前《東週刊》事件，當劉嘉玲嗰幾張相仲攞命，色情之餘更有暴力，係劉小姐被人禁箇下影。但劉小姐並無好似鍾小姐咁喊苦喊忽，反而係好堅強咁，義正詞嚴聲討當年的《東週刊》，令它停刊。劉嘉玲的歷練當然多過鍾小姐好多，但唔通鍾小姐真係無人教佢要點面對，或者應該點講野？前車可鑑都唔使跟？只係得一副可憐相。是的，你可以獲得人家的可憐，但得不到尊重。又令我諗起某年叱吒，阿Sa一邊抽泣，一邊話大家批評Twins，但其實自己同埋阿嬌已經好努力...你有無努力我只可以從成果上睇，我睇唔到Twins有乜進步，如果無成績，所謂的努力都係白費，無成績之餘仲要好似好委屈咁話已經好努力，咁係乜野心態？即係話聽眾唔識貨，唔識欣賞？係咪你已經做得好好？唔係的話就講少Ｄ廢話，唔好講唱功，Twins連最基本的「氣」都無，氣有幾難練，做運動練氣都唔做，咁你有幾多誠意改進呢下？黃家驅名句：「香港無樂壇，只有娛樂圈」
呢個現實係聽眾同業界互動而成，既然只係賣樣同唱得兩咀就有巿場，業界亦無謂再「投資」，當然有部份聽眾有要求，造就另類實力派歌手的巿場，但香港人口咁少，呢類巿場亦都好細，可以養得幾多個好的填詞、作曲、樂手、歌手？如果巿場有些改變，多左一些唱作人，或本地Indie，但佢地始終唔係主流。再講下賣唱片，業界成日話翻版/下載蠶食佢地的巿場，但現實係賣「唱片」的形式已改變，iTunes可以做得咁出色，證明大眾願意畀錢下載，而家部份本地歌有得畀錢下載，但問題係，Ｄ歌值唔值得畀錢聽先。由於下載歌曲無形，首歌本身就係價錢所在，一美金一首薛凱琪，值得嗎？我想而家會用八十蚊買本地流行曲ＣＤ的人，一係「粉絲」，一係就係為左封面、海報、優惠劵。買ＣＤ已經唔係為左入面Ｄ歌，而係一種韋白龍所講的炫耀消費，是為左塑造自己的形像。ＣＤ架上放上Twins同放上Ｄelgados差十萬八千里，花一百蚊買Twins是為你面上貼金還是貼「金」呢？誰不想扮高深？告訴人家你愛看卡夫卡，剛剛看完龍應台的《請用文明來說服我》，最近讀的時《地下室手記》，最愛Kieslowsky的電影...更好的是...你實實在在是一個「文化人」，香港實在也有不少「文化人」。

後記
信報八月廿九日的社評值得一記，謹摘錄如下：
〈偷拍引起公憤 制裁無法可依〉
女藝人鍾欣桐被《壹本便利》偷拍更衣照引發的抗議行動不斷升級...但是，不管政府官員如何表達憤慨，或團體的行動如何激烈，但都不能改變一個事實，就是本地根本沒有法例對付傳播媒介侵犯私隱的行為，上周警方重案組表示會接手處理這宗偷拍事件，就更加令人不解，因為第一、事發地點不在香港，港警如何進行偵查？第二、警方準備根據什麽法例去對付進行偷拍的人？

...有關侵犯私隱和涉及傳媒的侵犯私隱行為，法律改革委員會其實在九九年八月分別草擬了諮詢文件，但建議一直按下不表，因為涉及侵犯私隱的問題十分敏感...據文件指出，「新聞工作者除了須確保採訪活動符合刑事和民事法之外，還須遵守一個原則，就是因使用暗中進行的方法而引致他人私隱受侵犯的程度，必須與調查中的事情的嚴重性相稱」；很明顯，以女藝人被偷拍的個案為例，以暗中手法「攞料」的目的，與任何社會或公共議題無關，純粹是為了滿足讀者的偷窺和好奇心理，最終目的，當然是為了增加刊物的銷路。

事實上，如果政府官員和立法會議員迴避傳媒侵犯私隱的敏感問題，這種偷拍風波是會陸續有來的，群情洶湧的示威抗議只能發揮輿論監管作用，但對犯規者是無可奈何的！無可否認，以香港的傳媒生態來說，要媒體以自律方式成立有約束力的評議會進行自我監察，是不切實際而且根本無法推行的，但我們認為，立法規管傳媒引發的後遺症更大，政府不宜輕舉妄動。

Between Green and Blue

Arsenal V.S. AZ Alkmaar

對住荷蘭的AZ Alkmaar，竟然贏七比一，上半場已經六比一，而輸o個球係own goal，係我玩六粒星的紀錄，不過今次係玩International League，而唔係Master League。

意外

This photo was taken by accident.

阿仙奴大戰華倫西亞

季初的友誼賽特別易打，對住華倫西亞有17次射門，9次中籠，而華倫西亞就... 0 射門。睇番控球率大家差唔多，表示華倫西亞的攻擊無料到，未射門就被我搶到波。令我諗起阿仙奴1998年攞超聯冠軍o個場波，對愛華頓贏4比0，對方又係一次射門都無，現實中如果阿仙奴踢歐冠盃都係打得咁輕鬆就好。

賭波

世界盃賭波都係輸多贏少，輸左的錢都夠買塊UV filter。最慘係剛剛的德國對阿根廷，諗住德國主場九十分鐘內必勝，點知佢地踢得咁保守，成日都係用頭搥攻勢，仲要被人領先一球到八十分鐘先追平。雖然佢地最後射十二碼贏4比2，但我買o個條4串1就斷纜... 算，之後四強好難買，輸少當贏，要忍手。


知行樓

合一亭

終於買到支Tokina 12-24 f/4 DX, CA 比我想像中少，玩左一日，感覺唔錯，有人話Tokina呢枝的Built quality 比Nikon好，我就覺得不相伯仲。買鏡時買左塊Kenko超薄CPL，買後發現自己好少會用，早知買塊UV好過，但一塊77mm的UV都唔平，要睇下先，其實唔用保護鏡都得，但佢塊面鏡咁凸，有少少擔心。
上面呢張相無用CPL，當日個天已經好藍，時間大約是四點幾，如果要影好天人合一，真係要做好功課，了解唔同時段的光線變化，我就只係有時間又好天時去碰下運氣。

亨利

亨利真係好勁, 15分鐘已經入左3球, 完半場前入第4球, 全場係6球. 六比零係我玩Winning 10 (5粒星)的最高紀錄. 最重要係亨利反應快, 所以扭波好易, 一入禁區推一推就射入, 真係有少少屈機.

忙/忘

五月中旬開始連續兩個會議，之後放左幾日假，完全忘記左呢個Blog。今日去又一城，無咩睇，好悶，又頭暈，真係要休息下。
post 一張會議期間某日的相 (張相其實同個會無關)



上星期四去萬成問Tokina 12-24，佢話過幾日有貨，希望真係有貨，但無咩期望。以上呢張係用Nikon 12-24 影，Tokina唔會好過Nikon，但亦唔會差好遠，玩過Nikon呢枝鏡之後發覺無咩特別，應該話無驚喜，反而135 f/2 真係正，而85 f/1.8 亦比我想像中好。

Tokina 12-24 f/4

今日一心想去買呢支鏡，點知永成同天祥都無貨，只係得CANON MOUNT，下星期就要用，點算，唔通真係要畀多三千蚊買NIKON O個支？

傷風感冒

放假先黎病，四月三十日開始喉嚨痛，第二日就流鼻水。五月二日返工時更全身乏力，完全無精神做野。星期三就聲沙鼻塞，一合埋眼就標眼水，到星期四好番少少，放半晝假，但第二日就開始咳，應該係喉嚨敏感，直至到今日星期一都未清。雖然我平日都無心機做野，但一病就連打機都無精神，打多一陣對眼就累，輸波又激到氣咳。

星期四下晝去深水埗，行高登發現LCD MON真係平左好多，19吋都係賣大約二千一，另外250GB HDD而家最抵，大約800就有，比250GB 貴大約一百，但就平過300GB差不多二百。想買個LaCie Firewire External HDD, 250GB大約一千，但諗諗下又作用不大，iBook經常連住個EXT. HDD就唔可以通屋走。去到鴨寮街瑩記，Velbon 個QHD-61Q賣480，有點心動，老板娘仲話可以平Ｄ，不過最後無買，因為我想要71Q。佢有幾個閃燈Diffuser，但見唔到畀SB-28DX用，有D寫可以同時畀SB-26同28用，覺得有問題，因為26同28的尺吋都幾唔同，最後又無買。之後出左旺角，入到永成，一個差不多的Diffuser竟然賣百幾蚊，人地瑩記先賣60蚊，差成倍，當然牌子有分別(實質可能無分別)...
見到Manfrotto 486RC2好似都幾好，仲平71Q成截，唔...真係要認真諗下先。其實我最需要係鏡頭，TOKINA 12-24/f4. 永成賣3280，唔知有無得分期。下個星期就要用,同埋都應該去瑩記買個奶白diffuser。

之後去德發商場睇DVD,搵極都搵唔到隻The Weather Man，又費事問，下次再睇，隔離舖Shure E4C賣17xx，而UE 5Pro 個價亦差不多，唔....有餘錢時再諗諗，而家都好少聽歌。之後想去睇下背囊，但開始有少少頭暈，都係早D返歸。

Joan Miro

原來今日(20 Apr.)係 Joan Miró (1893-1983)的生忌。

Carnival of Harlequin, 1924-25


Character, 1934

康樂大廈

點題

我好易頭暈，地鐵埋站我唔可以正視，見到旺角、銅鑼灣的湧湧人頭亦係大忌，上網對得電腦耐都可能會暈，有時只係入CD舖打個白鴿轉都可以令我頭昏腦脹。總之只要我當日狀態唔好，就做咩都死，只有聽下柔和音樂，睇下閒書。

可能係我有病，又或都我身體本身就咁奇怪，好講狀態，狀態好時，可以飲好多酒都面不改容，但好多時係飲得4、5枝啤酒或8杯紅酒左右就開始好眼訓，嚮街又唔可以訓，死頂加上搭車搖兩搖就一定嘔，又或者在酒吧扒低訓一陣又係死，一醒O個下勁頭暈，必嘔。

有時唔係飲酒，記得好多年前，有一晚訓得兩個鐘起身，好辛苦、頭暈，無幾耐就嘔，之前無飲過酒，純粹因為頭暈而嘔。細個好易暈車浪，又住屯門，出親街都要搭長途巴士，一搭長途巴士就必定作嘔。試過有次搭巴士返屋企途中作嘔，坐我旁邊的一位阿婆竟然滴白花油入我個口，當時我係即刻唔再想嘔，但就記得好"拿"喉...... 大個左無咁嚴重，但都唔可以搭車時睇書、打機，只可以聽歌、瞓覺，連睇Roadshow都唔可以睇太耐。

諗起沙特的《嘔吐》，小說中的主角常無故嘔吐，後來他發現這是他對世界的無意義性的反應，一個空無意義的世界令佢嘔心。我的暈眩正正「相反」，完全是一個形而下的原因，
是我身體機能使我容易暈眩，再加上一個喧鬧紛擾的環境。