Tokyo IIIb

（續）隔得太耐，一直無心情寫，但開左頭就惟有迫自己寫落去，亦希望可以調劑下心情。

下北沢真係好大，行到好累。我返到香港後，聽聞幾年後下北沢可能要起公路，現存的商舖要搬走。也許我算是來得合時吧。行完下北沢，三條友都諗唔到食乜好，在車站外呆企左兩分鐘後決定去新宿食蟹。去到新宿，發現重要行多十幾分鐘先到，真係攞命。去到道樂，好大，有兩層，又要除鞋，不過都好，鬆下對腳。我唔鍾意食蟹，去到道樂唯有求其點，我覺得麻麻地，但地方同氣氛幾好，埋單差不多要成二萬YEN，都幾貴下。

食完就返池袋，攰到死，朝九晚十一，仲要烈日當空，呢日係成個旅程最辛苦的一日，不過之後O個幾日都唔好得幾多。
最慘都係蘇SAN，我兩個就話一返到酒店就訓，但蘇SAN唔慣早過四點訓，結果要開住電視，一路睇睇到慢慢訓著，第二日又晨咁早起身(早過十二點起身對佢黎講好痛苦），我真係配服佢可以捱到咁多日。