Tokyo in winter

剛從東京回來，之前的遊記都未寫完，未必會續。今次亦未必會寫遊記，第二次去無第一次咁新鮮，記憶已開始模糊，就似那邊的天氣。而家外邊正落雨，我們離開東京當日中午在池袋亦落雨，蘇san好似講過佢去咁多次日本都未試過落雨，唔知我地算好彩定唔好彩，出發前仲有少許期待會落雪，去到原來唔太凍，日間可以有成15-16度，夜間就5-10度，但有風時的確帶點寒。無敵家無上次咁好食，阿sin食完仲要嘔番出黎，只怪佢出發前食得太多芒果，腸胃不適。全程食左三次燒肉，牛角、牛繁、牛兵衞。牛角無牛繁咁好食，兩者差不多價錢，兩人兩次都係食左大約五千幾yen。但牛兵衞貴好多，我地叫佢menu中最貴個D肉，但普通肉都貴牛角牛繁約一倍，但份數就多約20-25%，埋單要成萬三萬四yen，仲貴過在築地食壽司大同壽司大和。講開築地，我地連續去兩日，覺得壽司大和好食過壽司大，同埋築地係我全程見得最多香港人的地方。
今次最大收獲係在涉谷Tower Records掃碟，好多特價，另好似有point bonus，埋單我有約1500 point，換左一隻1000yen的碟。