Tokyo III

第三日，晨咁早起身去三鷹，睇三鷹之森ジブリ美術館 (Ghibli Museum)。記得當日好鬼熱，在三鷹駅落車之後見到約有廿幾人在車站排隊，等shuttle bus，以為好快上到車，點知原來架shuttle好細架，第一輪剛剛上唔到，之後又等多十分鐘左右先有車，單係等車都成身汗。一落車就見到天空之城入面的大機械兵，好正。入到去發現原來美術館好細，得三層加天台，入場會派小冊子同一張三格的動畫菲林，呢三格菲林係館內短片的入場券，可惜我太大意，將菲林夾在小冊子入面，無幾耐就唔見左，職員幫我搵過都搵唔到，並話唔會補過一張畀我......

整個美術館的裝修好精緻，尤其是那些彩繪玻璃窗；我們睇埋短片大約行左兩個鐘，之後就去吉祥寺。睇旅遊書話由美術館行去吉祥寺只要15分鐘，行到一半先知完全唔係o個回事，當時仲要係正午，晒鬼死，足足行左最少三十分鐘先到吉祥寺的0101，行完仲要被蘇san笑......

當日0101好靜，好好行，在R.Newbold買左一件tee，之後就同蘇san在地下的coffee shop食cake同飲咖啡，間coffee shop D咖啡唔錯，感覺上好過香港的皇后。

在0101後面條街行左一陣之後就去食lunch/tea，蘇san帶路，諗住食鐵板燒，點知人地午休，剛好那家知名牛肉球就在旁邊，所以放棄再搵餐館，排隊買幾個牛肉球醫肚。當時有不少人排隊，我地都等左差不多十幾二十分鐘，排我地後面有幾個香港人，個師奶不停講野，好鬼煩，又大聲，凸顯左平時日本人幾咁靜，尤其是在車廂內，好少會大聲講野。講番d 牛肉球，好大粒，好香又多汁，但因為太大粒，根本唔方便周街食，結果拎到去下北沢，差不多凍晒先有機會食，不過都依然美味。(待續)

Tokyo II

諗極都諗唔到第二日晏晝食左乜，只係記得一早去Tower Records等佢十點鐘開門，買左幾隻碟，之後去Bic Camera，好多相機、鏡頭Display，我亦買左8筒菲林，以為會用到，結果係原封不動攞返香港。之後去西武樓下兜左個圈，買左兩個Dorayaki，之後等女友一點半集合，返酒店放低D 野，在酒店食左兩個豆沙餅，之後只係記得去左新宿，行高島屋、行Beams、同新星堂，另外又行左一陣Tokyu Hands，見到不少香港人睇Porter袋。

印象中阿蘇san在Tokyu Hands買左個木製的卡片座，之後玩腳部按摩機，玩到小腿有兩個印，之後大家就去左搵Map Camera，行錯路，搵唔到，原來只係在新宿西口Yodobashi附近，早知一早跟蘇san行，去到都差不多七點半，在Map Camera匆匆行左一陣，因為佢地要閂門。

去到Yodobashi，買幾件配件，被人點上點落，一時上五樓，上到佢又話要去二樓咁，買三件野要去三個不同樓層。之後去隔離館睇SCANNER，Epson GT-X900 (V700)真係平，39,990yen，當時問售貨員有無得送貨，但佢話唔送去酒店，由於我地未食飯，仲要行好遠所以無買。

食飯要行好遠，印象中最少行左十五分鐘，是在新宿站的另一邊，一間叫牛繁(後來先知係連鎖店)的炭火燒烤，都幾好食，同埋好少人。地址係新宿三丁目。



補記：當日無買到scanner，之後去池袋的Bic Camera睇，竟然賣48,xxx yen(但今日上佢個網查係賣39,980yen)，貴Yodobashi成九千yen，當然無買啦，之後的旅程亦無機會再去新宿。結果o係最後一日，Checkout之後，膽粗粗一條友由池袋仆去新宿，當時我唔記得問蘇san應該邊個出口出，只憑當晚的些微印象，加上睇地圖的大概位置，好彩地在西口出左，一過馬路行入一條街就係。價錢仲比上次平，只要36,900yen，退稅之後只要35,220yen，好抵。
不過，部Scanner好大部，成個盒有行李箱咁大個，無可能hand carry上機，而且好鬼重，我估有10KG以上，我由新宿攞去JR線上車，已經成身汗，在池袋落車之後仲要行15分鐘(因為我住Sunshine Prince)，真係XYZ@!。
而家諗番，我都算好彩，好彩蘇san無乜行李，三條友加埋寄倉先六十幾KG，過左少少磅但未需罰錢。另一個好彩就係我就咁成個盒寄倉，無另外加packing都無乜損傷，返到香港都用到。

the Simpsons

上星期四睇完the Simpsons 電影，諗起在澳洲旅行時睇過的好多經典，以下呢段當時笑到我標眼水。



You're just lucky, God isn't here.

Tokyo

已經唔太記得去過邊、食過乜

Day 1 (Aug. 6) 池袋(酒店)
lunch:飛機餐
dinner:中華拉麵、河豚 (玄品ふぐ)

Day 2 (Aug. 7) 池袋、新宿
lunch:博多天神拉麵
dinner:炭火日式燒烤

Day 3 (Aug. 8) 三鷹、吉祥寺、下北沢、新宿(食飯)
lunch: 牛肉球 (steak house satou)
dinner: かに道楽

Day 4 (Aug. 9) 原宿、代官山、(表参道)、青山、池袋(食飯)
lunch: 光麵 (惠比壽)
下午茶: 燒墨魚丸 (第八蛸華丸)
dinner: 監倉飯 (又貴又唔好食，每人~3,500yen)

Day 5 (Aug. 10) 秋葉原、六本木山
lunch+下午茶: 燒餅 (ゆかり) 秋葉原 UDX
dinner+宵夜: 無敵家拉麵

Day 6 (Aug. 11) Summer Sonic (海浜幕張)
無啖好食 (牛肉沙巴 kebah、凍pancake)
宵夜: 拉麵 (池袋)

Day 7 (Aug. 12) 渋谷、横浜 - 八景島
Lunch: 天下壽司 (池袋)
Dinner: 住家飯 (横浜)

Day 8 (Aug. 13) 築地、池袋
Brunch: 大和壽司 (等左個半鐘)
Dinner: 飛機餐