Learning new things I

1. 羽田機

出發前諗住上機有得瞓，瞓醒可以有精神去玩，但實情係無覺好瞓。凌晨1:45起飛，空姐開始派飲品，又播介紹機上逃生設備的短片，差不多起飛後一個鐘先開始閂燈，但折驣一輪之後已經無乜睡意，勉強「合」左大約一個鐘至個半鐘之後，機上又有廣播話飛機將會於個半鐘後降落，開燈、派早餐…… 全程都無認真瞓過，無怪乎幫我訂機票的Agent告誡我飛羽田其實幾辛苦，並非想像咁戔鬼。

落機之後租電話，之後搭shuttle bus去羽田T1，幫suica儲值(3,000yen)後搭monorail，到浜松町站轉山手線。

2. 浜松町

去到浜松町站見到山手線池袋方面的月台就落左去，但發覺有D唔對路，因為佢係寫東京、上野、池袋方面，即係逆時針(内回り)方向，但去池袋應該係順時針(外回り)，經渋谷、新宿咁去最近。結果我地搭扶梯上番大堂去對面月台搭新宿方面的山手線。自此學會搭車先確認路線方向，不要盲信車站方向牌。