由浜松町去池袋大約20-30分鐘，正值上班時間，人群怱怱忙忙。去到池袋已經差不多9:00，我地放低行李就出發去自由が丘。去到渋谷站上左東急東橫線其中一邊月台先發現對面月台有特急(印象中係9:30班車)，當時已經趕唔切跑過去。其實坐普通線(各停)由渋谷去自由が丘只需11分鐘，只係比特急慢3分鐘。
去到自由が丘時發現我地ke目標 Mont St. Clair未開門，探路去到門口就折返行第二邊，搵第二個目標：自由が丘ロール屋，不知身在何方入左間7-11問路，點知間卷蛋舖就o係對面。同樣係未夠鐘，11點先開門。我地漫無目的咁行到10:45就走返去Mont St. Clair等開門，一開門就大陣仗，全體員工(印象中有成10位)鞠躬歡迎我地，真係有D唔好意思。
No comments:
Post a Comment