Learning new things III

隔左差不多一年無寫，偶然諗到續寫題材但又無即時記低，拖下拖下就一年。

4. La Fonera
今次帶左部ipod touch去，出外偶爾都會搵無線訊號上網，但最主要都係夜晚返房時用，劇場酒店話每層都有免費無線網絡訊號，但實際上訊號好弱，經常連唔到線，而房內提供的有線網絡ipod touch用唔到，結果頭兩日無乜點用。為左方便上網，決心行電器舖留意有無平router ，將房內的有線網絡轉成無線訊號，結果畀我發現La Fonera，只要一千多日圓，問明店員火牛係國際電壓後即刻畀錢。返到房插好router後第一次等左好耐先連得上，事後知道係因為router自行upgrade fireware，除此之外亳無問題，晚晚都用黎上網，好爽。返到香港後，諗住可以平時用，身痕想換左La Fonera的fireware，䏲左幾個網頁，搞左一晚，成功轉用DD-WRT，不過事後有點後悔，因為直至呢一刻我都無真正用過，DD-WRT雖然多功能，但就無左La Fonera的方便，睇黎個router都係要等到下次去旅行先會用。

5. 埼京線
無意中發現往來新宿同池袋除左山手線之外，仲有琦京線，而且琦京線由新宿到池袋中間無站，唔似山手線要經過三個站，而且琦京線的月台就在新宿高島屋旁(新南口)，去完高島屋搭琦京線返池袋最方便，唔使行返去南口搭山手線。