神戶．六甲山

June 29, 2010

班機準時起飛，早左少少到關西空港，大概2:50就出大堂。先前一直諗住搭神戶-關空bay shuttle，出發前一兩日知道有機場巴士，車程唔算耐，加上唔使轉黎轉去，班次又比船多，最後搭左15:15的巴士去三宮，只要一個鐘就到，比我原先預算的早。巴士停o係三宮火車站的南面，要拿住行李上天橋，穿過火車站，往北去Super Hotel。拿住兩個行李去Super Hotel感覺特別遠，而且中途又要行樓梯上落天橋。(後來發現可以唔上天橋，但就要過左Super Hotel之後再往北行大概一百米先有斑馬線。）行到去酒店大門已經係四點半左右。

放低行李後就輕裝出發，先到JR站買ICOCA，但卡面無鴨咀獸個樣，有D失望，之後向面過馬路搭阪急線(梅田行)到阪急六甲站，出站落天橋就見到有16號巴士上纜車站，上巴士時係五點三，去到纜車站(34"44'14"N, 135"14'00"E)差不多五點半。

我地搭17:40纜車上山，之後再搭山上巴士到Garden Terrance(34"45'49"N, 135"14'46"E)，當時太陽仲未落山，好大霧，我地o係D商店行左一陣，見到有間賣六甲山牧場軟雪糕的舖頭，可惜閂左，阿鱔好失望，之後入左一間自助餐廳坐低飲野等日落，坐係餐廳時最大霧，窗外乜都睇唔到。

好彩到左7:00之後山下D霧開始散，到差不多7:45-8:00個天先黑齊。可能因為係夏天同平日，山上唔算多人。我地留到20:25先坐巴士走，走時山上又好大霧，之後坐尾二(20:40)班纜車落山，差不多21:00再搭16號巴士去阪急六甲站，到站時見到有架巴士等客去三宮，但我地都係唔冒險，坐返火車。之後去鶴屋 (tabelog)食燒肉，成間店得我地兩個客，可能因為當晚有日本隊世界盃賽事。我已經唔記得食過乜，有D生牛肉同內臟咁，熟肉算ok，但無乜驚喜，或者因為佢唔係用炭爐，無咁好食。飲左兩三杯ebisu，返酒店食左杯雪糕，加上六甲山上飲左半杯有奶的咖啡同睇埋波先瞓，結果搞到第二朝唔舒服，無胃口。

2010

今年特別多倒霉事
1. 除夕準備芝士火煱，切法包時切到手指；
2. 去金鐘Great買芝士，揀好一盒3月14號到期，畀錢時收銀話無code，要去睇，返到屋企先發現被掉包，換左盒3月7號到期。
3. 剛打到第2點時行開，返黎就見到firefox crash左，要重新打過。
4. 去麥記買外賣，要兩個豬柳蛋，返到屋企發現只係畀左一個我。
5. 商務減價去買紀事簿，封面大大張貼紙寫住八折，但收銀打左九折，我出左門口睇單先發現，回頭成功退款。
6. 今日準時放工去攞衫，點知去到門口先知公司春茗，提早關門。